Heilsugæsla höfuðborgarsvæðisins

Verðandi foreldrum er boðið upp á námskeið um meðgöngu, fæðingu, sængurlegu, brjóstagjöf, ummönnun nýburans og breytingar í fjölskydu við fæðingu barns.

Gefnar eru leiðbeiningar um líkamsstöðu, léttar æfingar, öndunartækni, slökun og margt fleira.

Í boði eru námskeið sem sérstaklega eru ætluð foreldrum sem eiga von á sínu fyrsta barni. Einnig býðst foreldrum sem átt hafa barn áður styttra námskeið til að rifja upp nefnda þætti.

Markmið námskeiðanna er að efla sjálfstraust foreldranna og auðvelda þeim að taka upplýstar ákvarðanir varðandi meðgöngu, fæðingu og umönnun barnsins.

Námskeiðin eru haldin á kvöldin, samtals 4 skipti og að auki er Fæðingardeild Landspítala Háskólasjúkrahúss skoðuð.