Allar þungaðar konur búsettar á svæði heilsugæslustöðvarinnar eru velkomnar í mæðraskoðun.
Æskilegt er að þungaðar konur komi í fyrstu skoðun 10-12 vikum eftir síðustu blæðingar en velkomið er að hafa samband við lækni eða ljósmóður fyrr ef óskað er. Fjöldi mæðraskoðana fer eftir aðstæðum, algengt er 8-10 skipti. Faðir eða annar stuðningsaðili og eldri systkini eru velkomin með.
Í 18. - 19. viku meðgöngu er boðið upp á ómskoðun á Kvennadeild Landspítalans. 6 - 8 vikum eftir fæðingu er boðið upp á eftirskoðun.
Heimilislæknir og ljósmóðir Heilsugæslustöðvarinnar fylgjast með konunni á meðgöngutímanum en haft er samráð við sérfræðinga í fæðingarhjálp ef þörf krefur. Ljósmóðir hefur fræðslufund með foreldrum og ræðir um meðgöngu og fæðingu. Einnig er farið í kynnisferð á fæðingardeild Landspítalans
Markmiðið er að stuðla að farsælli meðgöngu með faglegri umönnun, fræðslu og stuðningi.
Skipulögð foreldranámskeið fyrir verðandi foreldra fara fram á stöðinni í samráði við ljósmæður stöðvarinnar.
Sjá nánari upplýsingar um mæðravernd og einnig má finna fjölbreytt fræðsluefni um meðgöngu og fæðingu á fræðslusíðunni.