Landlæknir
Embætti landlæknis hefur eftirlit með starfi og starfsaðstöðu heilbrigðisstétta og starfsemi heilbrigðisstofnana auk þess að gefa umsagnir um starfsleyfisumsóknir heilbrigðisstarfsfólks og -stofnana. Einnig sinnir embættið kvörtunum og kærum er varða samskipti almennings og heilbrigðisþjónustunnar. Vefslóð embættisins er www.landlaeknir.is
Heilbrigðis- og tryggingamálaráðuneytið
Ráðuneytið hefur á hendi yfirstjórn, heildarstefnumótun og framkvæmd heilbrigðismála íslenska ríkisins. Undir ráðuneytið heyra málefni heilsugæslunnar. Vefslóð ráðuneytisins er www.heilbrigdisraduneyti.is
Landspítali háskólasjúkrahús
Heilsugæslan og LSH hafa gert með sér samstarfssamninga um ýmis mál, s.s. um læknisfræðilegar rannsóknir, starfsemi Miðstöðvar mæðraverndar og upplýsingatæknimál. Vefslóð spítalans er www.lsh.is
Háskóli Íslands.
Heilsugæslan og Háskóli Íslands hafa gert með sér samstarfssamning um um kennslu og rannsóknir í heilbrigðisvísindagreinum. Heilsugæslan sér um klíníska kennslu lækna- og hjúkrunarfræðinema á heilsugæslustöðvum. Vefslóð Háskólans er www.hi.is
Reykjavíkurborg.
Heilsugæslan hefur tekið að sér læknisþjónustu á tveimur hjúkrunarheimilum Velferðarsviðs Reykjavíkurborgar, í Seljahlíð og á Droplaugarstöðum. Þá sér Hjúkrunarheimilið Seljahlíð um heimahjúkrun í þjónustuíbúðum í nágrenni hjúkrunarheimilisins. Ennfremur starfa Reykjavíkurborg og Heilsugæslan saman að tilraunaverkefni um samþættingu heimaþjónustu og heimahjúkrunar. Vefslóð borgarinnar er www.reykjavik.is
Hjúkrunarheimilið Eir
Hjúkrunarheimilið sér um heimahjúkrun í þjónustuíbúðum í nágrenni hjúkrunarheimilisins í umboði Heilsugæslunnar. www.eir.is
Alþjóðahúsið.
Heilsugæslan og Alþjóðahúsið hafa gert með sér samstarfssamning varðandi þjónustu við innflytjendur. Vefslóð Alþjóðahússins er www.ahus.is
Læknavaktin
Læknavaktin sér, utan þjónustutíma heilsugæslustöðva, um móttöku- og vitjanaþjónustu lækna og ráðgjafaþjónustu henni tengda í Reykjavík, Kópavogi, Seltjarnarnesi, Garðabæ og Hafnarfirði. Þjónustan er veitt samkvæmt samningi við Heilbrigðis- og tryggingamálaráðuneytið. Vefslóð Læknavaktarinnar er www.laeknavaktin.is