Heilsugæsla Mosfellsumdæmis þjónar Mosfellsbæ, Kjalarnesi, Kjósar- og Þingvallahreppi.
Heilsugæslustöðin var áður til húsa á Reykjalundi en flutti í Kjarna í Mosfellsbæ árið 1998.
Á stöðinni er veitt öll grunnheilbrigðisþjónusta, svo sem almennar lækningar, ungbarna- og mæðravernd og heimahjúkrun.
Smáslysameðferð er veitt á stöðinni en þar er góð aðstaða til að sinna minni háttar slysum, búa um og sauma sár, fjarlægja bletti og gera fleiri smáaðgerðir.
Vaktþjónusta er allan sólarhringinn. Frá kl. 16:00 til 17:00 er vaktlæknir með móttöku á stöð og sinnir bráðaþjónustu. Eftir lokun skiptiborðs svarar vaktlæknir í síma 892-1263 eða 852-1263 sinnir bráðaþjónustu. Ef vaktlæknir svarar ekki í símann, gæti hann verið upptekinn og er fólki bent á að hringja aftur síðar eða í 112 í neyðartilvikum.