Heilsugæslan Grafarvogi er hverfisstöð og er fyrst og fremst ætlað að þjóna íbúum Grafarvogs. Stöðin tók til starfa 1992 í Hverafold 1-3 og flutti að Spönginni 35 í febrúar 2002.
Starfsemi stöðvarinnar er fjölþætt þó mest fari fyrir lækningum, ungbarna- og mæðravernd.
Á stöðinni er veitt samfelld þjónusta með hag einstaklingsins og fjölskyldunnar í huga. Tekist er á við öll heilsufarsleg vandamál og reynt að leysa úr þeim. Ef á þarf að halda er veitt ráðgjöf við val á sérfræðiþjónustu.