Á heilsugæslustöðinni starfa sjö sérfræðingar í heimilislækningum.
Læknarnir hafa bókaða tíma á stöðinni og er hver tími venjulega 15-20 mínútur. Nauðsynlegt er að panta tíma og oftast fæst tími innan 1-2 daga.
Í áríðandi tilvikum er alltaf hægt að fá þjónustu og ef heimilislæknirinn er ekki viðlátinn sinnir vakthafandi læknir eða hjúkrunarfræðingur erindinu.
Ef þú telur þig vera í þörf fyrir skjótari úrlausn áttu að fá samband við vakthafandi hjúkrunarfræðing sem ráðleggur þér.
Heimilislæknar stöðvarinnar fara í vitjanir til sjúklinga sem ekki eiga heimangengt af heilsufarsástæðum ef þeir meta það nauðsynlegt. Læknisvitjanir utan hverfis geta verið erfiðleikum bundnar.
Námslæknar eru stundum starfandi á stöðinni. Þeim er leiðbeint af sérfræðingum stöðvarinnar og leita til þeirra við lausn vandamála, þegar þörf krefur.
Barnalæknir tekur þátt í ungbarnavernd stöðvarinnar.
Náin samvinna er við hjúkrunarfræðinga stöðvarinnar.
Tölvupóstþjónusta: Eins og staðan er í dag er ekki gert ráð fyrir að læknar stöðvarinnar svari tölvupósti í vinnutíma sínum. Tölvupóstsendingar eru á ábyrgð sendanda og óvíst með öllu að tölvupósti sé svarað nema sérstaklega sé samið um það við viðkomandi lækni.