Rétt er að forðast hráa eða lítið eldaða rétti (kjöt, egg og fisk). Það er í lagi að borða kjötvöðva þó miðjan sé bleik (70°c) því heill kjötvöðvi er laus við bakteríur í miðju. Bakteríurnar finnast einungis á yfirborði kjötvöðvans. Hakkað kjöt skal alltaf steikja vel.
Til að draga úr líkum á sýkingu vegna bakteríunnar Listeria monocytogenes skal eingöngu drekka gerilsneydda mjólk. Ekki er æskilegt að borða þroskaða mjúka osta t.d. Camembert, Brie og mygluosta sem framleiddir eru úr ógerilsneiddri mjólk. Í þeim geta verið góð vaxtarskilyrði fyrir ýmsar bakteríur. Íslenskir ostar eru unnir úr gerilsneyddri mjólk og rannsóknir sem gerðar hafa verið, gefa ekki til kynna að óttast þurfi neyslu á þeim. Þó er ástæða til að forðast osta sem hafa staðið lengi frammi við stofuhita.
Varast ætti neyslu á öllum tegundum kæfu (paté) sem framleidd er erlendis vegna bakteríunnar Listeria monocytogenes sem hugsanlega getur leynst í henni.
Forðast ætti neyslu lifra og lifrarafurða meðgöngunni þar sem þessi matvæli geta innihaldið töluvert magn
A-vítamíns.
Matvæli sem ber að forðast á meðgöngu:
- Grafinn fiskur
- Kaldreyktur fiskur
- Harðfiskur
- Sushi með fiski
- Súrsaður hvalur
- Þorskalifur
- Hákarl
- Sverðfiskur
- Stórflyðra
- Fýll
- Fýlsegg
- Ógerilsneidd mjólk
- Mjúkir ostar og mygluostar unnir úr ógerilsneiddri mjólk
- Paté framleidd erlendis
- Lifur og lifrarafurðir
- Hrá egg
- Hrátt kjöt
Hvaða matvæli ber að forðast á meðgöngu? (pdf-skjal)
Yfirfarið: júní 2009.
Höfundar: Karitas Ívarsdóttir og Ragnheiður Bachmann, ljósmæður mæðravernd Þróunarstofu.
Efnið er fengið úr bæklingnumMatur og meðganga. Fróðleikur fyrir konur á barneignaaldri. Bæklingurinn er unnin af sérfræðihóp á vegum Miðstöðvar mæðraverndar, Lýðheilsustöðvar og Umhverfisstofnunar, í samvinnu við Landlæknisembættið, 3. útg. 2008.