Orkuþörfin eykst jafnt og þétt eftir því sem líður á meðgönguna og er mest á síðasta þriðjungi hennar. Flestar barnshafandi konur þurfa þó ekki að borða meira en þær gerðu áður þar sem þær hvíla sig meira og hreyfa sig minna á seinni hluta meðgöngunnar.
Þær konur sem halda hreyfimynstri sínu svo til óbreyttu þurfa hins vegar meiri orku og konur sem byrja að stunda reglubundna hreyfingu á meðgöngu finna líklega fyrir aukinni orkuþörf.
Sé þyngdaraukning á meðgöngu hæfileg er orkuinntaka hæfileg.
Yfirfarið: júní 2009.
Höfundar: Karitas Ívarsdóttir og Ragnheiður Bachmann, ljósmæður mæðravernd Þróunarstofu.