Meðgönguvernd heilbrigðra kvenna í eðlilegri meðgöngu : klínískar leiðbeiningar (pdf-skjal)
Landlæknisembættið gaf leiðbeiningarnar fyrst út í apríl 2008, en endurskoðuð önnur útgáfa kom út í apríl 2010. Þær eru ætlaðar ljósmæðrum, læknum og barnshafandi konum.
Sjá ítarefni.
Gerð þessara leiðbeininga var samvinnuverkefni Fagráðs landlæknis um mæðravernd og vinnuhóps á vegum Miðstöðvar Mæðraverndar. Þær byggja á leiðbeiningum frá National Institute for Clinical Exellence (NICE). Yfirumsjón með verkefninu höfðu Anna Björg Aradóttir frá Landlæknisembættinu og Jóna Dóra Kristinsdóttir frá Miðstöð Mæðraverndar.
Leiðbeiningarnar byggja á því að meðganga er eðlilegt lífeðlisfræðilegt ferli og inngrip í það ferli skulu hafa þekkta kosti og vera ásættanleg fyrir hina barnshafandi konu.
Á vef Landlæknisembættisins eru klínískar leiðbeiningar skilgreindar á eftirfarandi hátt:
"Klínískar leiðbeiningar (clinical guidelines) eru leiðbeiningar (ekki fyrirmæli) um verklag, unnar á kerfisbundinn hátt, til stuðnings starfsfólki í heilbrigðisjónustu og almenningi við ákvarðanatöku við tilteknar aðstæður. Þær taka mið af bestu þekkingu á hverjum tíma og eru lagðar fram í því skyni að veita sem besta meðferð með sem minnstri áhættu án óhóflegs kostnaðar"