Öllum þriggja, sex og tólf ára börnum stendur til boða ókeypis eftirlit hjá tannlæknum sem vinna í umboði Sjúkratrygginga Íslands, samkvæmt samningi frá 1. janúar 2009 sem gildir til 31.desember 2010.
Í eftirliti felst meðal annars viðtal og fræðsla um mataræði, munnhirðu og annað er snertir tannvernd. Einnig er um að ræða skoðun, skráningu, hreinsun tanna og flúormeðferð fyrir alla aldurshópana, auk röntgenmyndatöku fyrir tólf ára hópinn.
Nauðsynlegt er að skoðun fari fram áður en þriggja ára barn verður fjögurra ára, sex ára barn verður sjö ára og tólf ára barn verður þrettán ára. Tannviðgerðir falla ekki undir þennan samning.
Listi yfir tannlækna sem eru með aðild að samningi við Sjúkratryggingar Íslands um forvarnarskoðun.