Þróunarstofa heilsugæslunnar hefur heildarumsjón með með kennslu, rannsóknum og gæðaþróun Heilsugæslu höfuðborgarsvæðisins (HH). 

Þróunarstofan var sett á laggirnar í maí 2009 í framhaldi af nýjum áherslum. Þróunarstofan tekur að hluta til við fyrri verkefnum Miðstöðvar mæðraverndar, Miðstöðvar heilsuverndar barna og Miðstöðvar Tannverndar.

HH hefur lengi verið í fararbroddi varðandi heilsuvernd á landsvísu. Nýleg reglugerðarákvæði kveða einnig á um forystuhlutverk HH á sviði kennslu-, vísinda- og þróunar. Samtímis hefur HH gert samninga við Háskóla Íslands til að greiða fyrir og efla háskólastarfsemi og menntun heilbrigðisstétta á sviði heilsugæslu.

  • Marklýsingarhópur hefur lagt fram áherslur í starfi Þróunarstofu heilsugæslunnar og megin verkefni til tveggja ára.
  • Eldri áhersluatriði:

Hlutverk Þróunarstofu heilsugæslunnar er að:

  • verða leiðandi í þróun og samræmingu heilsuverndar og heilsugæslustarfs á landsvísu. 
  • sjá um að skipuleggja ráðstefnur og námskeið Heilsugæslu höfuðborgarsvæðisins (HH), sem haldin eru á landsvísu.
  • styrkja tengsl við háskóla- og sjúkrastofnanir.
  • efna og efla framkvæmd samstarfssamnings HH og Háskóla Íslands í samráði og samvinnu við fulltrúa HH í samstarfsnefndinni.
  • hvetja fagfólk HH til þátttöku í rannsóknar-og umbótaverkefnum.
  • setja á laggirnar og stýra vísindanefnd sem fjallar um og tekur afstöðu til umsókna varðandi vísindarannsóknir inn HH.
  • skipuleggja og halda utan um kennslu og fyrirkomulag námsfólks í samráði við stöðvar HH. Marka þarf stefnu í þeim tilvikum þegar fagfólk sinnir kennslu utan HH.
  • hafa yfirsýn yfir gæða og þróunarmál HH.
  • hafa yfirsýn yfir og samræma fræðslu og útgáfumál HH.
  • hafa umsjón með þarfagreiningu á þjónustu og þjónustukönnunum fyrir HH í samvinnu við stöðvar HH eftir svæðum.
  • nýta gagnagrunna HH til uppbyggingar á þekkingu í því markmiði að bæta gæði þjónustu HH.