Sérhver móðir/faðir upplifir meðgöngu, fæðingu og það að eignast barn á sinn einstaka hátt

Meðgangan er ánægjutími fyrir flesta þar sem eftirvænting og tilhlökkun er ríkjandi. Neikvæðar hugsanir eins og kvíði og áhyggjur geta þó gert vart við sig. 

Miklar breytingar eiga sér stað í lífi verðandi foreldra og það getur verið krefjandi að takast á við þær tilfinningalegu, félagslegu, fjárhagslegu og líkamlegu breytingar sem verða á meðgöngu. Þessar nýju aðstæður hafa áhrif á samskipti parsins. Sumum reynast þær auðveldar á meðan öðrum finnst erfiðara að takast á við þær.

Meðgangan hefur mismunandi áhrif á konur. Mörgum líður aldrei betur, en aðrar finna meira fyrir óþægindum og vanlíðan. Fylgikvillar þungunar geta haft áhrif. Ekki er óeðlilegt að verðandi móðir finni fyrir þreytu vegna líkamlegs álags og óöryggis vegna breytinga sem framundan eru.

Verðandi foreldrar verða næmari og viðkvæmari og finna jafnvel fyrir geðsveiflum. Slíkar sveiflur eru þó algengari hjá konum. Þær þurfa aukinn stuðning, ástúð og hlýju. Hinn verðandi faðir hefur það mikilvæga hlutverk að vera til staðar og veita stuðning.

Þetta er líka tími mikilla breytinga hjá hinum verðandi föður. Hann getur fundið fyrir ógleði eða aukinni matarlyst og þyngdaraukningu. Hann er að aðlagast breyttu hlutverki og finnur fyrir vaxandi ábyrgð.

Oft er talað um meðgönguna sem hreiðurgerð og áhugamál parsins breytast og snúa meira að innviðum sambandsins en áður.

Það er eðlilegt að finna fyrir leiða og tilfinningasveiflum af og til.
Ef það varir lengi og hefur áhrif á daglegt líf ætti að leita sér aðstoðar hjá ljósmóður eða lækni.

Andleg líðan á meðgöngu (pdf-skjal)

Yfirfarið: apríl 2013.
Höfundar: Karitas Ívarsdóttir og Ragnheiður Bachmann, ljósmæður mæðravernd Þróunarstofu.

Andleg líðan - Heimildir.
1. Baradon, Tessa. Your new baby, your family and you. Bæklingur í flokknum: Understanding Childhood. www.understandingchildhood.net Sótt í júlí 2008.
2. Demott, K., Bick, D., Normann, R. og fleiri. Clinical Guidelines and Evidence Review for Postnatal Care: Routine Post Natal Care Of Recently Delivered women And Their Babies. London: National Collaborating Centre For Primary Care And Royal College Of General Practitioners. 2007.
3. Det positiva graviditetsbeskedet. www.vardguiden.se Sótt í júlí 2008.
4. Förlossningsrädsla. www.vardguiden.se Sótt í október 2008.
5. Misri, S., Lusskin, S.I. og fleiri. Management of depression in pregnant women. Official Reprint from UpToDate® Maí 2008  Sótt í september 2008.
6. Mustapha, A., Wade, M.: Depression during & after Pregnancy. Depression Aliance 2003.
7. NCCPC Postnatal care. University of Leicester 2006
8. NHS choices. www.nhs.uk/Planners/pregnancycareplanner  Your feelings; Worrying about the Birth; Your Partner, Family and Friends; Sótt í september 2008.
9. NHS. Antenatal and postnatal mental health. The NICE guideline on clinical management and service guidance. 2007.
10. NHS. Antenatal and postnatal mental health. Clinical management  and service guidance. 2007.
11. NHS. Understanding NICE guidance. Information for people who use NHS services. Problems during pregnancy and after giving birth. 2007.
12. Stefanía B. Arnardóttir. Fjölskyldumiðuð hjúkrunarmeðferð við vanlíðan á meðgöngu. Rannsóknaráætlun. Lokaverkefni til meistaraprófs í hjúkrunarfræði í júní 2007.
13. Stress.  www.vardguiden.se Sótt í september 2008.
14. Ångest – en del af livet. www.vardguiden.se Sótt í september 2008.

Kærar þakkir fyrir yfirlestur:
Stefanía B. Arnardóttir hjúkrunarfræðingur MSc, Miðstöð heimahjúkrunar.