Heilsugæslan Sólvangi annast heimahjúkrun fyrir íbúa Hafnarfjarðar og Álftaness.
Símatími heimahjúkrunar er alla virka daga frá kl. 13:00 til 13:30.
Markmið heimahjúkrunar er að veita einstaklingshæfða og faglega heimahjúkrun og gera þeim sem þjónustunnar njóta kleift að búa heima við sem eðlilegastar aðstæður þrátt fyrir veikindi eða heilsubrest. Sjá um hlutverk heimahjúkrunar
Hjúkrunarfræðingar og sjúkraliðar annast heimahjúkrun í samvinnu við heimilislækna stöðvarinnar, sjúkrastofnanir, Félagsþjónustuna í Hafnarfirði, ættingja og fleiri aðila. Heimahjúkrun er veitt virka daga og í sérstökum tilfellum er þjónusta einnig veitt um helgar, á kvöldin og á helgidögum. Heimahjúkrun er veitt án endurgjalds.
Eftir að óskað hefur verið eftir heimahjúkrun, kemur hjúkrunarfræðingur í vitjun, metur hjúkrunarþörf og skipuleggur þjónustuna í samvinnu við einstaklinginn, heimilislækni og aðstandendur.
Starfsfólk heimahjúkrunar metur hversu lengi skjólstæðingur þarfnast þjónustu þeirra. Útskrift er ákveðin í samráði við alla aðila málsins. Lögð er áhersla á að þótt einstaklingurinn sé formlega útskrifaður, geti hann alltaf haft samband við heimahjúkrun, ef á þarf að halda.