Hamraborg 8, 200 Kópavogi
Sími: 594-0500Fax: 594-0599

Almennur þjónustutími

Virka daga kl. 8 - 16
Síðdegisvaktin er opin frá kl. 16:00 til 18:00 mánud. til fim.d.

Heilsugæslan Hamraborg er hverfisstöð og er fyrst og fremst ætlað að þjóna íbúum Kópavogs sem búa vestan Digranesvegar að Bröttubrekku, norðan Fífuhvamms- og Nýbýlavegar. Ef þú býrð á þjónustusvæðinu getur þú skráð þig á stöðina. Skráning fer fram hjá móttökuriturum. 

Í afgreiðslu heilsugæslustöðvarinnar taka móttökuritarar við tímapöntunum, gefa almennar upplýsingar um starfsemi stöðvarinnar og koma áríðandi skilaboðum til starfsfólks. Nauðsynlegt er að láta móttökuritara vita þegar mætt er í pantaðan tíma.

Tölvupóstþjónusta: Eins og staðan er í dag er ekki gert ráð fyrir að læknar stöðvarinnar svari tölvupósti í vinnutíma sínum. Tölvupóstsendingar eru á ábyrgð sendanda og óvíst með öllu að tölvupósti sé svarað nema sérstaklega sé samið um það við viðkomandi lækni.

Sumartími síðdegisvaktar

16. júní til 31. ágúst er síðdegisvaktin opin mánudaga til fimmtudaga frá kl 16:00 – 17:00.

Um síðdegisvaktina

Síðdegisvaktin er venjulega opin mánudaga til fimmtudaga frá kl. 16:00 til 18:00. Lokað á föstudögum.

Síðdegismóttakan er ætluð til að sinna bráðum erindum sem þarfnast skjótrar úrlausnar. Þetta eru  stutt viðtöl eða 10 mínútur og eitt vandamál í viðtali.

Komugjöld eru hærri eftir kl. 16:00

Nýr heimilislæknir hefur tekið til starfa við stöðina

Þeim sem hafa áhuga á að fá fastan heimilislækni og búa á þjónustusvæði Heilsugæslunnar Hamraborg er bent á að hafa samband við afgreiðslu.

Þeir sem lengst hafa verið skráðir  á stöðina án þess að hafa  fastan lækni hafa forgang fram til 1. mars 2014.


Lyfjasími:
Læknaritarar taka niður beiðnir um lyfjaendurnýjun frá kl. 9:00 til 11:00 alla virka daga í síma 594-0555. Eingöngu er hægt að fá þau lyf sem tekin eru að staðaldri og heimilislæknir þinn á stöðinni hefur áður ávísað. 

Ekki er hægt að fá svefnlyf, sýklalyf eða sterk verkjalyf endurnýjuð í þessum síma. 

Læknarnir ávísa síðan lyfjunum eftir að hafa metið beiðnina. Nauðsynlegt er að panta tíma hjá heimilislækni eða ræða við hann símleiðis ef hann hefur ekki ávísað umbeðnu lyfi áður eða   langt er síðan hann hefur ávísað lyfinu. Eftirlit er nauðsynlegt við langtíma lyfjanotkun.

Þær lyfjapantanir sem berast á milli kl. 9:00 og 11:00 eru afgreiddar samdægurs.

Fjölnota lyfseðlar:     
Mikið hagræði er að því fyrir alla aðila að nota fjölnota lyfseðla ef um samfellda lyfjanotkun er að ræða til langs tíma. Vinsamlega leitið eftir notkun á fjölnota lyfseðlum hjá heimilislækni. Þeir eru ekki ekki afgreiddir í lyfjasíma. 

Ef þörf er á veikindavottorði vegna fjarveru úr skóla eða vinnu, þarf að hafa samband við lækni sem fyrst eftir að veikindi hefjast. Læknir metur hvort ástæða er til frekari skoðunar á stofu.

Læknisvottorð eru að jafnaði ekki gefin aftur í tímann og að lækni ber að votta það eitt sem hann hefur sannreynt.

Ath. að oft er ritun læknisvottorðs tímafrek og vandasöm.

Á hverjum morgni eru alltaf til tímar samdægurs. Þessir tímar eru ætlaðir fyrir bráða erindi og eitt vandamál. Þessa tíma er hægt að bóka í byrjun dags.

Frá kl. 8:00 til 16:00 er alltaf hægt að fá símasamband / viðtal við vakthafandi hjúkrunarfræðing. Hann metur vandamál þitt og leiðbeinir um úrlausn. Bráðatilvik hafa alltaf forgang.