Heilsugæsla höfuðborgarsvæðisins

Heilsugæsla Mosfellsumdæmis þjónar íbúum í Mosfellsbæ, Kjalarnesi, Kjós og Þingvallasveit.

Ef þú býrð á þjónustusvæðinu getur þú skráð þig á stöðina. Þú þarft að koma á stöðina og fylla út beiðni um flutning sjúkraskráa frá fyrri heimilislækni eða heilsugæslustöð.

Í afgreiðslu heilsugæslustöðvarinnar taka móttökuritarar við tímapöntunum, gefa almennar upplýsingar um starfsemi stöðvarinnar og koma áríðandi skilaboðum til starfsfólks. Nauðsynlegt er að láta móttökuritara vita þegar mætt er í pantaðan tíma.

• Yfirlæknir: Þengill Oddsson
• Yfirhjúkrunarfræðingur: Hrafnhildur Halldórsdóttir
• Skrifstofustjóri: Sigurlaug S. Einarsdóttir

Læknir sinnir bráðaþjónustu eftir kl. 17:00 og allar helgar. Sími 892-1263.
Ef vaktlæknir svarar ekki í símann, gæti hann verið upptekinn og er fólki bent á að hringja aftur síðar eða í 112 í neyðartilvikum.

Bólusetningarátak gegn inflúensu A(H1N1)v, svínaflensu:
Panta þarf tíma í bólusetningu. Við hvetjum alla sem ekki hafa látið bólusetja sig að gera það sem fyrst.

23.04.2010

Áhrif gosösku á heilsufar og viðbúnaður vegna öskufalls

Gosaska getur haft áhrif á fólk en helstu einkenni eru frá öndunarfærum og augum. Hér eru tveir nýjir bæklingar með ráðleggingum til fólks þar sem öskufalls gætir.

17.03.2010

Kvenfélagið í Kjósarhreppi gefur heyrnarmæli á 70 ára afmæli sínu

Ákveðið var í tilefni af afmælinu að gefa Heilsugæslunni Mosfellsumdæmi gjöf sem myndi nýtast í ung- og smábarnavernd. Sunnudaginn 14. mars tók Hrafnhildur Halldórsdóttir yfirhjúkrunarfræðingur stöðvarinnar við gjafabréfi fyrir Senti heyrnamæli.

22.09.2009

Lífstílsráðgjöf

Móttaka fyrir fólk sem er of þungt og/eða með sykursýki af tegund 2, hefur starfsemi sína í Heilsugæslu Mosfellsumdæmis 1. október 2009. Móttakan sem er samvinnuverkefni lækna og hjúkrunarfræðinga á stöðinni er opin einu sinni í viku.