Drápuhlíð 14-16, 105 Reykjavík
Sími: 585-2300Fax: 585-2301

Almennur þjónustutími

kl. 8:00 til 16:00
Síðdegisvakt alla virka daga nema föstudaga kl. 16:00 - 18:00

Heilsugæslan Hlíðum er hverfisstöð og er fyrst og fremst ætlað að veita íbúum almenna læknis- og hjúkrunarþjónustu. Svæðið takmarkast af Snorrabraut og Kringlumýrarbraut og sjóa á milli.

Í afgreiðslu Heilsugæslunnar taka móttökuritarar við tímapöntunum, gefa almennar upplýsingar um starfsemi stöðvarinnar og koma áríðandi skilaboðum til starfsfólks. Nauðsynlegt er að láta móttökuritara vita þegar mætt er í pantaðan tíma.

Hjúkrunarfræðingar eru með móttöku alla virka daga frá kl. 8:00 til 16:00. Á þeim tíma er alltaf hægt er að fá samband við hjúkrunarfræðing í síma með fyrirspurnir og bráðaerindi.

  • Rannsóknastofan er opin alla virka daga frá kl. 10:00 til 11:30

Ritarar skrá niður beiðnir um lyfjaendurnýjanir alla virka daga frá kl. 9:00 til 12:00 í síma 585-2330.

Læknarnir ávísa síðan lyfjunum eftir að hafa metið beiðnina. Nauðsynlegt er að panta tíma hjá heimilislækni eða ræða við hann símleiðis ef hann hefur ekki ávísað umbeðnu lyfi áður og ef langt er síðan hann hefur ávísað lyfinu.

Fjölnota lyfseðlar:
Mikið hagræði er að því fyrir alla aðila að nota fjölnota lyfseðla ef um samfellda lyfjanotkun er að ræða til langs tíma. Ekki er hægt að símsenda fjölnota lyfseðla í apótek. Vinsamlega leitið eftir notkun á fjölnota lyfseðlum hjá heimilislækninum.

Ef þörf er á veikindavottorði vegna skóla eða vinnu þarf að tilkynna veikindi á heilsugæslustöðina sem fyrst eftir að veikindi hefjast.

Vottorð eru ekki gefin gegnum síma. Panta þarf tíma á stofu hjá lækni í tengslum við veikindi eða  sem fyrst eftir að viðkomandi  er rólfær.
Almenna reglan er sú að varðandi öll læknisvottorð þá þarf að panta tíma.

Á stöðinni er síðdegisvakt alla virka daga milli kl. 16:00 og 18:00, nema föstudaga.

Slíkri móttöku er ætlað að sinna bráðum, fljótleystum erindum sem þarfnast skjótrar úrlausnar, enda er viðtalstíminn styttri en venjulega eða tíu mínútur á mann.

Ekki er hægt að bóka tíma á vaktina heldur mætir fólk á þessum tíma.

Ef um bráð veikindi eða slys er að ræða er hægt að ná sambandi við lækni/hjúkrunarfræðing samdægurs og án fyrirvara. Bráðatilvik hafa alltaf forgang.

Utan ofangreinds opnunartíma er bent á Læknavaktina, Smáratorgi 1, Kópavogi. sími 1770. Læknavaktin er opin virka daga frá kl.17:00 til 23:30 og um helgar og hátíðisdaga frá kl. 9:00 til 23:30. Ef um alvarleg slys eða lífshættuleg bráð veikindi er að ræða, skal hafa samband við neyðarlínuna í síma 112.