Þroska- og hegðunarstöð (ÞHS) tilheyrir Heilsugæslu höfuðborgarsvæðisins og veitir þjónustu vegna barna sem glíma við frávik eða aðra erfiðleika í þroska eða hegðun. Starfshópurinn er þverfaglegur og unnið er eftir markvissu skipulagi með mestu gæði að leiðarljósi. Lögð er áhersla á notalegt viðmót og einstaklingsmiðaða nálgun.
Þjónusta ÞHS felst í greiningu, ráðgjöf, meðferð og fræðslu vegna þroska- og hegðunarfrávika barna að 10 ára aldri og er notendum að kostnaðarlausu nema námskeiðin. Samstarf er við aðrar stofnanir mennta-, félags- og heilbrigðisþjónustu víðsvegar um landið. Nánari upplýsingar um hvaða þjónusta er í boði, fyrir hverja og hvernig best er að nálgast hana, finnast undir viðeigandi fyrirsögnum á þessari síðu. Í vafatilfellum geta foreldrar eða tilvísendur haft samband í síma 585 1350 eða sent fyrirspurn á throski@heilsugaeslan.is
Hér fyrir neðan má finna ýmsar fréttir af starfi stöðvarinnar.