Móðirin getur lagt barnið á brjóst hvar sem er og brjóstagjöf þarf ekki að setja henni skorður við að fara út og njóta lífsins.
Safna má mjólk í ílát/pela eða plastpoka sem eru sérhannaðir fyrir geymslu brjóstamjólkur.
Mjólk má geyma í ísskáp í 3 daga og í frystihólfi ísskáps í 2 vikur. Mjólk í frystiskáp (sérhurð á ísskápnum) geymist í 3-4 mánuði. Mjólk í frystikistu geymist í 6 mánuði við -18°c.
Gæta þarf að hreinlæti við meðhöndlun brjóstamjólkur, bæði hvað varðar handþvott og þrif áhalda.
Hjúkrunarfræðingar og ljósmæður í ungbarnavernd veita ráðgjöf.
Þú og barnið þitt eruð einstök heild og þú verður fljót/fljótur að læra að þekkja þarfir barnsins þíns
Yfirfarið: Í ágúst 2008.
Höfundar: Karítas Ívarsdóttir og Ragnheiður Bachmann, ljósmæður Miðstöð mæðraverndar.