Fjarðargötu 13-15, 220 Hafnarfirði
Sími: 540-9400Fax: 540-9401

Almennur þjónustutími

Virka daga kl. 8:00-16:00
Síðdegisvakt kl. 16:00-18:00 alla virka daga

Heilsugæslan Fjörður þjónar íbúum Hafnarfjarðar.

Ef þú býrð á þjónustusvæðinu getur þú skráð þig á stöðina meðan ekki er fullskráð hjá læknum stöðvarinnar. Þú kemur á stöðina og fyllir út umsóknareyðublað sem liggur frammi í afgreiðslunni. Þá mun upplýsingum um heilsufar þitt verða safnað hjá þeim læknum sem þú hefur áður leitað til.

Í afgreiðslu heilsugæslustöðvarinnar taka móttökuritarar við tímapöntunum, gefa almennar upplýsingar um starfsemi stöðvarinnar og koma áríðandi skilaboðum til starfsfólks. Nauðsynlegt er að láta móttökuritara vita þegar mætt er í pantaðan tíma.

 Hjúkrunarráðgjöf er frá kl. 8:00 til 18:00 alla virka daga.

Sumartími síðdegisvaktar

Síðdegisvaktin er opin frá kl. 16:00 til 17:00 frá 14. júlí til 1. ágúst

Um síðdegisvaktina

Læknar stöðvarinnar eru með síðdegisvakt sem er venjulega opin alla virka daga frá kl. 16:00 til 18:00.

Vaktin er ætluð fyrir skyndiveikindi og smáslys. Eðli málsins samkvæmt eru þetta stutt viðtöl og eitt erindi / vandamál í viðtali.

Lyfjaendurnýjanir eru í síma 540-9490 á milli kl. 8:30 og 11:30 alla morgna.

Lyfjaendurnýjanir eru í síma 540-9490 frá kl. 8:30 til 11:30 alla morgna.

Nauðsynlegt er að panta tíma hjá heimilislækni eða ræða við hann símleiðis ef hann hefur ekki ávísað umbeðnu lyfi áður og ef langt er síðan hann hefur ávísað lyfinu.

Fjölnota lyfseðlar:
Mikið hagræði er að því fyrir alla aðila að nota fjölnota lyfseðla ef um samfellda lyfjanotkun er að ræða til langs tíma. Ekki er hægt að símsenda fjölnota lyfseðla í apótek. Vinsamlega leitið eftir notkun á fjölnota lyfseðlum hjá heimilislækninum.

Hafa skal samband við lækni varðandi vottorð.

Frá kl. 8:00 til 18:00 er alltaf hægt að fá símasamband eða viðtal við vakthafandi hjúkrunarfræðing.

Hann metur vandamál þitt og gefur svokallaðan samdægurstíma hjá lækni eða leiðbeinir um vaktþjónustu þegar um erindi er að ræða sem ekki þola bið, t.d. skyndileg / alvarleg veikindi og smáslys.

Bráðatilvik hafa alltaf forgang.